Rrjeti ‘Hollywood Unlocked’ tronditi internetin mbrëmjen e të martës me një lajm eskluziv ku thuhej se mbretëresha Elisabeth e Anglisë kishte vdekur. Mediat britanike nxituan të konfirmonin ditën e sotme se “mbretëresha është gjallë” dhe të dilte në kundërshim të informacionit të rrem që pretendonte mbrëmë një faqe e njohur thashethemesh në Shtetet e Bashkuara të Amerikës.
Ideja se një faqe e tillë mund të publikonte një lajm kaq të madh nxiti reagime të dyshimta në Britani.
Megjithse historia është refuzuar nga rrjetet e mëdha online, themeluesi i rrjetit ‘Hollywood Unlocked’ Jason Lee bëri me dije se nuk tërhiqet nga informacioni i marrë.
Gjithashtu, ai bëri një koment në rrjete sociale: “Ne nuk postojmë gënjeshtra dhe unë kam besim te burimet e mia. Ne po presim për konfirmimin zyrtar nga Pallati Mbretëror”, tha ai.
Nga ana tjetër, një pjesë e kanë marrë vërtëtsinë e lajmit si të mirëqenë, ndërsa të tjerë hedhin dyshime mbi gjuhën e përdorur në njofim.
Fillimisht skeptikët përmendin faktin se revista përdorte termin ‘Royal Kingdom’ (Mbretëria mbretërore) për të cilin thoshte se nuk përdoret nga nejrëz të brendshëm të pallatit Buckingham Palace.
Më heret në njoftim thuhej se ‘mbretëresha duhet të merrte pjesë në martesën e redaktorit të revistës “British Vogue”, Edward Enninful, por ishte gjetur e vdekur’.
Dhe e përditshmja vendase “Metro” shkruante se “megjithë respektin për Enniful, të gjithë në Britani e dinë se mbretëresha nuk do të merrte pjesë në martesën e tij”.
Ndërsa për idenë se mbretëresha mund të “gjendej e vdekur në mënyrë misterioze” dhe që një roje t’ia tregonte këtë fshehurazi në telefon “Hollywood Unlocked”, as kjo nuk duket shumë e vërtetë.
Së fundmi, anëtarëve të qeverisë u thuhet të ruajnë të gjithë privatësinë e kërkuar deri në një njoftimin zyrtar të pallatit mbretëror. Prej vitesh rrejti shtetëror BBC është i pari që informohet për vdekje të tilla dhe më pas lajmi kalon te Press Association apo rrjete të tjera përtej Atlantikut.
Discussion about this post