Pasi kanë protestuar për 1 orë para Kuvendit, banorët e “5 Maji” po shkojnë drejt Drejtorisë së Policisë për të kërkuar lirimin e banorëve. Ata kanë kërkuar për tre ditë resht nga Polica e Shtetit që të lirojnë banorët, pasi ata nuk kanë bërë asnjë faj.
Ditën e martë janë arrestuar 5 banorë pas përplasjeve te 5 Maji, mes tyre ndodhet edhe një nënë e re, të cilën e kanë ndarë nga dy fëmijët e saj të mitur dhe e mbajnë të burgosur. Laureta Nikolli më parë u gjobit nga policia me 13 mijë euro, pasi tentoi të hynte në Kuvend dhe të fliste me ish-kryeministrin Sali Berisha.
Pavarësisht kërkesës së banorëve, policia vazhdon t’i mbajë ata të arrestuar dhe madje banorët pretendojnë se ndaj shokëve të tyre është ushtruar dhunë në paraburgim.
Discussion about this post