Jepet vendimi për kryeinspektoren e IMT-së në Sarandë, lejoi ndërtimin e një pallati pa leje

Kryeinspektorja e IMT-së Romina Pulaj, është lënë në masën e sigurisë “arrest me burg” pasi akuzohet se lejoi përdorimin e një pallati pa leje.

Pulaj u arrestua dje për “shpërdorim detyre”, pasi lejoi ndërtimin e një pallati 7-katësh, i cili rezulton se nuk kishte leje ndërtimi të lëshuar nga bashkia Sarandë. Ndërsa, gjithashtu është shpallur një biznesmen i njohur, Tando Papuçi, si i implikuar në këtë zhvillim.

Përveç procedimit të Pulajt dhe biznesmenit, Prokuroria e Sarandës ka urdhëruar sekuestrimin e pallatit 7-katësh.

Materialet i kaluan për veprime të mëtejshme Prokurorisë pranë Gjykatës së Shkallës së Parë Sarandë, për veprat penale “Shpërdorim i detyrës” dhe “Ndërtimi i paligjshëm”.