Një 22 vjeçar është marrë peng nga dy persona në Fier. Burime policore bëjnë me dije se janë arrestuar në pranga dy vëllezërit e identifikuar me iniciale I. A., 32 vjeç dhe E. A., 25 vjeç, banues në Roskovec.
Të njëjtat burime bëjnë me dije se dy të rinjtë, kanë bashkëpunuar dhe për motive të dobëta, kanë dhunuar fizikisht dhe kanë mbajtur peng për rreth një orë si edhe e kanë kërcënuar me jetë të riun e identifikuar me iniciale J. G., 22 vjeç, banues në Roskovec.
Me marrjen e njoftimit, shërbimet e Komisariatit të Policisë Fier kanë bërë të mundur identifikimin, lokalizimin, kapjen dhe ndalimin e dy autorëve.
Dy vëllezërit e arrestuar pritet të përballen me akuzën për veprat penale “Heqja e paligjshme e lirisë”, “Kanosja” dhe “Plagosje e lehtë me dashje” të kryera në bashkëpunim.
Discussion about this post