Kira Rudik, një deputete ukrainase, ka marrë armët dhe është zotuar të ndihmojë ushtrinë e vendit të saj kundër Rusisë, njësoj si burrat. Rudik, në një intervistë për CNN tha se kalimi nga Parlamenti tek lufta në vijën e parë ishte e pazakontë për të, por duhet që të bënte diçka për të mbrojtur vendin e saj. Më pas, postoi edhe një foto me kallash në dorë në rrjetet e saj sociale.
“Mësova të përdor kallashnikov dhe përgatitem të mbaj armë. Tingëllon surreale pasi vetëm pak ditë më parë kjo gjë nuk do të më vinte kurrë në mendje. Por tani edhe gratë tona duhet që të mbrojnë vendin. Lavdi Ukrainë,” shkruan ajo në rrjetet sociale.
I learn to use #Kalashnikov and prepare to bear arms. It sounds surreal as just a few days ago it would never come to my mind. Our #women will protect our soil the same way as our #men. Go #Ukraine! ?? pic.twitter.com/UbF4JRGlcy
— Kira Rudik (@kiraincongress) February 25, 2022
Lufta në Ukrainë është përshkallëzuar së tepërmi, ku deri më tani numërohen thuajse 200 të vdekur, me trupat ruse që i afrohen më tepër godinës së Parlamentit ku ndodhet presidenti Volodymyr Zelensky.
Discussion about this post