Banorët e “5 Majit” po protestojnë sot para Kryeministrisë, ku kërkojnë të dinë se çfarë do të bëhet me fatin e tyre, ndërsa pohojnë se banesat e tyre janë prishur pa vendim. Një prej protestuesve, i cili më datë 22 shkurt u arrestua, bashkë me vajzën e tij dhe 3 të tjerë, nuk i kurseu ironitë në drejtim të kryeministrit Rama, për reagimet e këtij të fundit për çështjen e Ukrainës.
Po ashtu ai iu bëri thirrje edhe gazetarëve, që mos të qëndrojnë në banesat e tyre pasi mund të arrestohen, siç i ndodhi dhe atij. “Nuk kam ku të rri, kam shtëpinë, por se kam më. S’di se ku të rri tjetërkund, pasi banesa mu shemb në 22 shkurt. U arrestuam 5 veta, dhe vajza ime po ashtu. Të arrestohesh se po qëndron në shtëpinë tënde, se di! Kini kujdes, mos rrini në shtëpitë tuaja. Mos rrini aty, se mos ju arrestojnë. Ikni në hotel. Mua më ndodhim dhe mendoj se do iu ndodh edhe të tjerëve, siç më ndodhi mua”, tha protestuesi. Kujtojmë se pak ditë më parë Gjykata e Tiranës vendosur detyrim paraqitje për 5 të arrestuarit e “5 Majit”
Discussion about this post