Terrori në Ukrainë/ Çifti i famshëm dhuron 1 milion dollarë për refugjatët ukrainas

Duke qenë se brenda 48 orëve Ukraina po boshatiset dhe njerëzit nuk kanë një çati për t’u strehuar, veprat e bamirësisë janë ato që duhen më shumë këtë kohë.

Çifti i famshëm Ryan Reynolds dhe Blake Lively kanë marrë një vendim tepër të rëndësishëm, për t’i ardhur në ndihmë refugjatëve të Ukrainës që po zhvendosen nga vendi i tyre për t’i shpëtuar luftës.

Reynolds premtoi nëpërmjet një postimi në Twitter se do të dhuronte 1 milion dollarë teksa do t’i bashkohej donatorëve të tjerë, për t’iu gjendur pranë personave që po luftojnë për të mbijetuar.

In 48 hours, countless Ukrainians were forced to flee their homes to neighboring countries. They need protection. When you donate, we’ll match it up to $1,000,000, creating double the support.⬇️ https://t.co/xCFL1Lptuw https://t.co/CHp48E1KLQ

— Ryan Reynolds (@VancityReynolds) February 26, 2022

Forcat ruse kishin targetuar qëllimisht disa depoita nafte dhe pika të tjera kyçe në Vasilikov të Kievit, të cilat shpërthyen frikshëm në qiellin e natës.

Menjëherë më pas qeveria ukrainase paralajmëroi se tymi nga shpërthimi mund të shkaktojë një “katastrofë mjedisore” dhe këshilloi njerëzit të ti mbajnë mbyllur dritaret e tyre.

Ndërkohë në orët e para të mëngjesit luftimet intensive kanë nisur sërish në rrugët e Kharkiv, qyteti i dytë më i madh i Ukrainës.

“Mjetet e armikut rus avancuan në qytetin e Kharkiv. Përfshirë pjesën qendrore të qytetit. Paralajmërim! Mos i lini strehimet tuaja!” tha Guvernatori i këtij qyteti në një postim në Facebook të dielën. Forcat e Armatosura të Ukrainës po eliminojnë armikun. Civilëve u kërkohet të mos dalin në rrugë.”
Ndërkohë presidenti zelenski në një komunikim online tha se nata që lamë pas ishte brutale, ku u bombarduan pa dalliim zona civile.
“Ata luftojnë kundër të gjithëve– kundër kopshteve, kundër ndërtesave të banimit dhe madje edhe kundër ambulancave”., tha Zelenski.

Presidenti ukrainas tha më tej se ai është gati për negociata, por refuzoi takimin me grupin negociator në Bjellorusi.