Ndonëse delegacionet e Moskës dhe Kievit pritet nga momenti në moment të ulen në bisedime, pjesa më e madhe e forcave ruse janë 30 kilometra larg Kievit, tha Ministria e Mbrojtjes e Mbretërisë së Bashkuar në një postim në Twitter.
Përparimi i Rusisë u “ngadalësua nga forcat ukrainase që mbronin aeroportin Hostomel, një objektiv kyç rus për ditën e parë të konfliktit”, citoi ministria.
Luftimet e ashpra vazhdojnë rreth Chernihiv dhe Kharkiv, megjithatë të dy qytetet mbeten nën kontrollin ukrainas.
“Dështimet logjistike dhe rezistenca e fortë ukrainase vazhdojnë të pengojnë përparimin rus. Megjithatë pavarësisht përpjekjeve të vazhdueshme për të mos bërë publike detajet e konfliktit, Forcat e Armatosura Ruse për herë të parë janë detyruar të tregojnë numrin e viktimave”, njofton ndër të tjera inteligjenca britanike.
Aktualisht, mediat e huaja raportojnë se delegacioni ukrainas ka mbërritur në kufirin ukrainas-bjellorusi për bisedime me përfaqësuesit ë Rusisë.
Discussion about this post