Mediat në vendin tonë po transmetojnë vazhdimisht luftën mes Ukrainës dhe Rusisë, por ditën e sotme Autoriteti i Mediave Audiovizive, ka bërë një thirrje të fortë për të.
AMA gjen rastin të risjellë në vëmendje të OSHMA-ve detyrimet që rrjedhin nga ligji 97/2013 “Për mediat audiovizive në Republikën e Shqipërisë”, i ndryshuar, Kodi i Transmetimit dhe akte të tjera nënligjore në fuqi. Sipas institucionit është shumë e nevojshme që të shmanget dezinformimi
“AMA ka vlerësuar dhe vlerëson maksimalisht rolin dhe kontributin e redaksive audio/ audiovizive në mbulimin e ngjarjeve të aktualitetit mbi zhvillimet që po ndodhin në të gjithë botën dhe veçanërisht ato që lidhen me situatën në dhe përreth Ukrainës. Gjatë ditëve të fundit, mediat prestigjoze ndërkombëtare kanë ngritur shqetësimin e tyre në raport me fenomenin e dezinformimit dhe pasojat që ai sjell në shoqëri”, thuhet në njoftim.
AMA beson se edhe në këtë rast OSHMA-të do të kenë parasysh kërkesat etike dhe profesionale për t’i njoftuar dhe paraqitur lajmet e transmetuara në një mënyrë të vërtetë, të paanshme dhe objektive, përmes fact-checking dhe duke kontribuar për shmangien e dezinformimit dhe të keqinformimit.
Discussion about this post