Dy persona kanë mbetur të plagosur pasditen e sotme në Elbasan. Burime bëjnë me dije se disa persona janë përfshirë në një sherr me sende të forta në lagjen “5 Maji” në Elbasan, e për pasojë dy prej tyre kanë përfunduar të plagosur në spital.
Sherri ka ndodhur pranë tregut dhe mësohet se dy personat që kanë marrë plagë janë tregtarë aty. Burime bëjnë me dije se ngjarja ka ndodhur pak më parë dhe të dëmtuarit kanë marrë plagë gjatë goditjeve me njeri-tjetrin.
Nuk dihen ende motivet e kësaj ngjarjeje, ndërsa dy të plagosurit janë dërguar për të marrë ndihmën e shpejtë në spital dhe më pas do të japin shpjegime para oficerëve të policisë gjyqësore për rrethanat e ngjarjes.
Discussion about this post