Ish konkurrentja e edicionit të kaluar të “Për’puthen”, Sindi Loci së fundi është përfolur shumë nëpër media për një deklaratë të saj. Ajo ka folur për Vladimir Putinin, si dhe ka deklaruar se e adhuron për zgjuarsinë. “Nuk e di se në çfarë aspekti po i referohesh, por megjithatë edhe pse jam shumë kundra çfarë Putin ka bërë me Ukrainën, dua ta pranoj që kam një ‘adhurim’ të veçantë për një person si Putin. Mendoj se është politikani më i zgjuar që kjo botë ka parë!”, ka shkruar Sindi.
Pas kësaj deklarate ajo morri shumë reagime të ashpra drejt saj. Pas këtyre reagimeve ajo ka shpjeguar për të dytën herë deklaratën e saj. “Ju lutem mos keqinterpretoni fjalët që unë them. Unë nuk e përkrah Putinin për asgjë që ai po bën me Ukrainën apo çdolloj krimi që ka marrë pjesë. Unë them kam një adhurim për zgjuarsinë që ai ka sepse sipas opinionit tim ai është treguar shumë i zgjuar në situata të ndryshme që do më duhej 3 story t’i thoja se e kam ndjekur goxha (jam e apasionuar mbas politikës). Dikush më shkruajti po ti përkrah Kosovën si thua Putini i zgjuar…Ku ishte Ukraina ku Kosova u sulmua?! Përkrahu Serbinë dhe Rusinë me trupa kundër shqiptarëve të Kosovës. Akoma s’e njeh pavarësinë e Kosovës kështu që mos të hyjmë në tema të thella se dalim nga kodra në breg me muhabet”, u shpreh Sindi.
Discussion about this post