Ish deputeti i Partisë Demokratike, Ervin Salianji, ka reaguar pas deklaratave të bëra nga kandidati për kryetar të PD-së Agron Shehaj, i cili është shprehur se është sulmuar nga individë anti-amerikanë brenda kësaj force politike, pas takimit që ky i fundit kishte pasur me Yuri Kim.
Salianji thekson se në PD kurrë s’ka pasur e nuk do ketë antiamerikanë, duke shtuar se këtë shpifje vetëm Rama ka pasur guxim ta thotë.
Reagimi i plote:
Keqardhje për akuzat e rëndomta e mbi të gjitha të pavërteta të kandidatit Agron Shehaj.
Një gjë është e sigurt, që në Partinë Demokratike, nuk ka pasur nuk ka dhe nuk do të ketë asnjeherë vend për asnjë antiamerikan.
Në vendin më proamerikan në botë dhe në partinë më proamerikane, të kërkosh për antiamerikanë dhe të aludosh se ata janë pjesë e partisë ku bën pjesë është ofendim i ulët dhe një dëm që tentojnë ti bëjnë PD.
Një gjë të tillë deri më sot me shipfjen që e karakterizon ka guxuar ta thotë vetëm Edi Rama.
