Qytetarë serb kanë marshuar në Beograd ditën e sotme duke valëvitur flamujt rusë dhe duke mbajtur fotografi të presidentit Vladimir Putin, në një shfaqje të rrallë të mbështetjes publike për Moskën pas sulmit të saj në Ukrainë.
Protesta u mbajt në afërsi të Presidencës së Serbisë dhe protestuesit dhanë mesazhe mbështetjeje për Rusinë, e cila filloi një pushtim ushtarak të Ukrainës të enjten e kaluar. Përfaqësuesit e organizatave të ekstremit të djathtë Damnjan Knezheviq nga Patrulla Popullore dhe Mladen Obradoviq nga Obraz, iu drejtuan pjesëmarrësve të protestës nga skena. Ata thanë se nëse Serbia vendos sanksione ndaj Rusisë pas zgjedhjeve, dy herë më shumë njerëz do të dalin në rrugë se sonte, transmeton KP. Knezheviq tha se,rusofobia në Serbi është një gabim statistikor dhe çdo serb është një vëlla rus.
Discussion about this post