Fredi Alizoti, i cili u arrestua në 2018-ën nën akuzën se imitoi zërin e Geron Xhafaj, vëllait të ish-ministrit të Brendshëm në dosjen “Babalja”, është arrestuar nga policia e Fierit pasi është kapur duke vjedhur në një qendër tregtare.
Mësohet se, 49-vjeçari është kapur duke vjedhur në një dyqan veshjesh, në një qendër tregtare në këtë qytet. Pas denoncimit të pronarit të dyqanit, Alizoti është vënë në pranga.
“Specialistët për Hetimin e Krimeve në Komisariatin e Policisë Fier arrestuan në flagrancë shtetasin F. A., 49 vjeç, banues në Fier, pasi është kapur duke vjedhur veshje në dyqanin e një qendre tregtare në Fier”, thuhet në njoftimin e policisë.
Discussion about this post