Një krim i rëndë ka tronditur Devollin ditën e sotme, ku dy gra, nuse e vjehërr janë gjetur të vrara në shtëpinë e tyre. Mësohet se viktimat janë Bukurie Bami dhe Fatmira Bami. Sipas Policisë, viktimat janë gjetur pa jetë dhe me shenja dhune në trup, shkaktuar nga sende të forta.
Dyshohet se autori që ka kryer krimin ka hyrë për të vjedhur, por megjithatë ende nuk ka një informacion zyrtar. Është konstatuar se dy viktimat kanë marrë goditje me sende të forta në të gjithë trupin por edhe në fytyrë.
Gjithashtu ngjarja dyshohet të ketë ndodhur gjatë natës, ndërkohë trupat janë gjetur nga kryeplaku i fshatit. Autori thuhet se është identifikuar dhe po kërkohet nga policia. Forca të shumta policie ndodhen në vendngjarje dhe në terren, ku kanë ngritur postblloqe te shumta policie.
Discussion about this post