Kryeministri Edi Rama ka dalë në një konferencë të jashtëzakonshme për të dhënë lajmin për ngritjen e një Komiteti të Posaçëm ndërministror për përballimin e pasojave luftës në Ukrainë, efektet e së cilës janë ndjerë në çdo vend të botës.
Nga Kryeministria, Rama ngriti alarmin kur tha se thellimi i krizës energjetike vjen vetëm duke u rritur.
“Krijimin e një komuniteti të posaçëm ndërministror për përballimin e pasojave të luftës. Nuk jemi në kushtet e një kërcënimi ushtarak, por si të gjitha vendet e tjera në kushtet e kërcënimit të përditshëm ekonomik, si rezultat e daljes krejtësisht nga binarët e normalitetit. Sot, dëshirojmë që të flasim në mënyrë specifike për energjinë pasi është edhe palca e zhvillimit ekonomi. Ndërkohë kërcënimi i thellimit të krizës energjetike vjen vetëm duke u rritur”, deklaroi Rama.
Discussion about this post