Deputeti demokrat Ervin Salianji është treguar i prerë dhe i qartë gjatë fjalës së tij në mbledhjen maratonë të grupit parlamentar të PD ditën e djeshme ku ka replikuar me Lulzim Bashën.
“ABCnews” ka zbardhur përplasjen mes Salianjit dhe Bashës menjëherë pas fjalës së kryedemokratit, i cili ka mohuar që 6 marsi të jetë një disfatë personale. Salianji i kërkoi Bashës të ndërmarrë akte konkrete duke nënkuptuar dorëheqjen, ndërsa i kërkoi të mos e shohë këtë humbje të PD si diçka normale.
“Rezultati ishte katastrofik, dëmi i shkaktuar i opozitarizmit në Shqipëri është i madh dhe vuajtjet e çdo demokrati janë sot në ekstrem. Secili prej nesh duhet të ketë vetëm këtë në mendje në ushtrimin e veprimtarisë publike, si të mbrojmë interesat më të mira për Partinë Demokratike dhe demokratët. Nëse votuesit e opozitës braktisin votimin dhe nuk dalin në mase në votime jemi para faktit që nuk jemi para krizës strukturore dhe reformimit por para krizës së besimit. Kriza e besimit do akt dhe vendimmarje. Se nëse ju thoni që çfarëdo që të bëjmë ne gjithsesi humbim, pse duhet të humbim dhe fytyrën?”, ka deklaruar Salianji në mbledhjen me dyer të mbyllura të grupit të PD.
Pas Salianjit edhe pjesa dërrmuese e grupit parlamentar të PD, kërkoi largimin e Bashës nga drejtimi i selisë blu, përvec deputetëve Oriola Pampuri dhe Arbi Agalliu që njihen si mbështetësit e tij më të afërt.
Discussion about this post