Edhe në Vlorë, dhjetra qytetarë protestuan kundër rritjes së çmimit të karburanteve. Protestues, qytetarë nga Vlora, edhe pse jo të shumtë në numër kanë protestuar për disa minuta në bulevardin kryesor të qytetit.
Edhe në qytetet e tjera si në Tiranë, Durrës, Lushnje, Mirditë, Berat dhe Prrenjas, ka pasur protesta pasi nafta është rritur gjatë javës së fundit, rritje e cila është reflektuar edhe në ushqimet e shportës.
Po ashtu edhe në Shkodër një grup qytetarësh, të cilët protestuan kundër rritjes së çmimeve. Të rinjtë studentë të Unversitetit të Shkodrës, janë mbledhur para sheshit “2 prilli”, në shenjë revolte për rritje e çmimit të karburanteve. Me pankarta në duar ato kërkuan uljen e çmimeve dhe i bën thirrje qeverisë që të reflektojë.
“Ne sot jemi këtu në emër të studentave, sepse sot një studenti i duhet të paguajë me shumë për transportin. Nëse një të riu nga Vau Dejës, deri dje i duhej të paguaje 200 lek vajtje ardhje sot ai paguan 300 leke. Kjo është një kosto më e lartë për studentet nga rrethet që janë pjesë e Universitetit të Shkodrës. Kryeministri thotë që jemi në luftë, por ai duhet të vijë këtu dhe te menaxhojë luftën jo të qendrojë në Dubai.”, u shpreh një student.
Discussion about this post