Policia e shteti nuk ka kursyer as gazetarët në protestën kundër rritjes së çmimit të naftës ditën e djeshme në Tiranë. Mbrëmjen e shkuar ka pasur përplasje të forta mes protestuesve dhe efektivëve të policë, ku këta të fundit kanë ushtruar dhunë ndaj qytetarëve. Kështu, ata kanë dhunuar edhe një gazetare, e cila ka përfunduar në spital me disa dëmtime të në trup. Vetë gazetarja, Nertila Zef Haxhia shprehet se ka shembje dhe se është goditur duke mos bërë asnjë veprim antikushtetues.
Ajo shton se e kanë goditur dy burra, policë të shtetit të saj dhe prandaj sot do të dalë si aktiviste në protestë dhe jo si gazetare, “Sipas grafive që më bënë, rezulton se kam pësuar shembje nga grushtet dhe shkelmat e policeve. Stafi i spitalit te traumës u kujdes menjëherë për mua dhe gjendja ime është mire. Falënderoj policinë për këtë frymëzim që po me jep! Te gjitha pamjet janë te dy rasteve ku policia me ka goditur, nuk kam qenë duke bërë asnjë lloj veprimi antikushtetues.
Herën e parë me një goditje në kraharor. Herën e dytë më gjuajtën shkelma këmbëve kur po kujdesesha te merrja një vajzë përdore që po e shtypnin turma e policeve”, shprehet gazetarja. Kujtojmë se dje ka pasur dhe një valë shoqërimesh nga polica në disa qytete, ku qytetarët po protestonin kundër rritjes së çmimeve, vetëm në Durrës dhe Korçë po ndien penalisht mbi 50 qytetarë.
Discussion about this post