Trupat ruse nuk ndalen! Mësohet se forcat ruse kanë bombarduar një spital rajonal onkologjik në qytetin jugor të Ukrainës, Mykolayiv. Kështu bëri me dije kreu i Autoritetit Rajonal të Shëndetit, Maksym Beznosenko përmes një mesazhi në rrjetin e tij social Facebook.
“Vetëm një monstër mund të sulmojë të dobëtit. Ata të dobët janë pacientët tanë. Këta përbindësha granatuan spitalin onkologjik. Një spital që ofron kujdes për pacientët me kancer nga i gjithë rajoni i Mykolayiv,” tha ai në një postim Beznosenko.
Gjithashtu, Beznosenko u shpreh se, sipas tij, tanimë janë kombi më i bashkuar në botë dhe kjo është një shpresë që mund ti lumturojë në rrethana të tilla.
“Nëse urrejtja e armikut bashkon, ne jemi tashmë kombi më i bashkuar në botë. Nëse Rusia i sheh pacientët me kancer si një kundërshtar të barabartë që është një kërcënim, nuk është thjesht e sëmurë, ajo tashmë është në agoni. Dhe kjo është e vetmja gjë që mund të na gëzojë në rrethana të tilla”.
Sipas Beznosenko, granatimet nuk shkaktuan dëme të konsiderueshme, duke shtuar se; “Ne vazhdojmë të punojmë”.
Discussion about this post