Nga protesta kundër rritjes së çmimit të hidrokarbureve dhe shportës ushqimore, para kryeministrisë ka folur edhe gazetarja e dhunuar nga policia Nertila Zef Haxhia.
Haxhia u shpreh se policët i kanë sakatuar kraharorin dhe këmbët, dhe tha se duhet që ti kërkojnë falje nënës së saj për dhunën që ka ushtruar policia ndaj gazetares.
“Jam secili prej këtyre gazetarëve. Policët më kanë sakatuar kraharorin dhe këmbët. 24 orë afat për t’i kërkuar falje nënës time. Është hera e parë që nëna me del në një shesh sot. Do të ndjek të gjitha hapat ligjorë për t’ju ndjekur. Kërkojini falje nenës time. Fytyrat tuaja do t’ua tregoj gjithë njerëzve. Mos kujtoni se në kraharorin tim nuk do të jetë grushti i asnjë polici, por vetëm vajza ime. Ju nuk jeni burra, por jeni burra kurva.”
Kujtojmë se, sot është dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
Discussion about this post