Detaje të reja janë zbardhur nga ngjarja e rëndë në Zvicër ku një shqiptar nga Kosova vrau gruan e tij. Sipas mediave të huaja, vrasja e gruas ka ndodhur në prani të fëmijëve. Në momentin e krimit në banesë ndodheshin edhe tre fëmijë, që jetonin në të njëjtën familje. Fëmijët nuk kanë pësuar lëndime dhe po përkujdesen nga familjarët.
Ndërkohë, banorët e ndërtesës ku ndodhi krimi janë të shokuar. “Këtu jetojnë kaq shumë familje me fëmijë. Nuk do ta kisha menduar kurrë që diçka e tillë mund të ndodhte këtu. Është një tronditje e vërtetë për të gjithë ne”, tha një banore.
Shqiptarja u gjet e pajetë ditën e djeshme në Rappersëil-Jona SG në orën 03.20. Ishte shqiptari nga Kosova i cili raportoi në qendrën e thirrjeve të urgjencës kantonale të St. Gallen në Zvicër se kishte lënduar rëndë gruan e tij. Patrulla e policisë bëri të mundur më pas arrestimin e tij.
Discussion about this post