Protestuan kundër rritjes së çmimeve, jepet masa e sigurisë për 35 të arrestuarit

Gjykata e Tiranës ka vendosur masën “detyrim paraqitjeje” për 35 personat që u arrestuam ditën e djeshme në protestën masive kundër rritjes së çmimeve.

Mësohet se vetëm një nga të ndaluarit është lënë pa masë, pasi vuan nga probleme të shëndetit mendor. Kujtojmë se sot Gjykata e Lezhës ka liruar 5 të arrestuarit nga protesta dhe po ashtu 2 të tjerë janë lënë të lirë në Durrës.

Prej të mërkurës qytetarët kanë dalë në protesta nëpër të gjithë vendin për rritjen e çmimit të karburantit, por edhe rritjes së çmimit të të gjitha produkteve ushqimore dhe taksave që u rritën me pretekstin e luftës në Ukrainë.