Përfaqësuesi i Sindikatës së Fermerëve: Qeveria merr taksa si në kohë normale, ne jetojmë si në kohë lufte

Përfaqësuesi i Sindikatës së Fermerëve gjatë fjalës së tij në protestën e zhvilluar në Tiranë, tha se qeveria po i detyron që të braktisin Shqipërinë. Sipas tij, qeveria sërish mbledh taksat si në kohë normale, ndërkohë që qytetarët jetojnë si në kohë lufte. Ai gjithashtu u shpreh se 20% e fermerëve braktisën Shqipërinë dhe e vetmja mënyrë për ta ndalur këtë janë protestat.

“Sot ne që protestojnë, jo që nuk jemi të turpëruar, por dinjitoz. Ne protestojmë q të mos braktisim vendin tonë. Qeveria po i detyron fermerët që të braktisin vendin e tyre. 20% e fermerëve braktisën Shqipërinë. Instrumenti ynë që të mos braktisim vendin, është protesta. Ne jetojmë në kapitalizëm, por përveç ekonomisë së tregut, ka institucione që ndihmojnë qytetarët. Ka politika fiskale, kur tregu çmendet, qeveria ndërhyn përmes instrumenteve. Pse ju thoni se do vilni taksa si në kohë normale, kur ne duhet të jetojmë si në kohë lufte” – tha përfaqësuesi.