Është goditur Klani i Shqiptarëve që merrej me shpërndarjen e drogës nga Shqipëri, drejt Italisë dhe Austrisë.
Mediat italiane shkruajnë se u finalizua operacioni antidrogë, i quajtur “CONTINUOASPACCIARE” ku përfshihej shoqata kriminale, e cila kontrollonte tregun e shpërndarjes së drogës në provincat e Trentos dhe Bolzanos. Mes të dyshuarve janë 70 trafikantë droge, 53 prej të cilëve janë arrestuar mes të huajve dhe Italisë.
Gjthashtu bëhet e ditur se është sekuestruar nga Guardia di Finanzia lokali i famshëm i shqiptarit në Itali. Në vijimësi të këtij operacioni është mbyllur kafeneja në sheshin e kryeqytetit, lokali ’34’ i cili ndodhet në piazza Duomo në Trento. Dyshohet se biznesi drejtohej nga shtetas me kombësi shqiptare dhe sipas akuzës, ishte pikë shpërndarje në qendrën historike të Trentos.
Operacioni kishte për qëllim shkatërrimin e një organizate kriminale për trafik ndërkombëtar droge, të lidhur me klanet shqiptare. Operacioni i koduar “Continuoaspacciare” çoi në hetimin e një rrjeti të gjerë subjektesh, me 70 trafikantë të dyshuar droge, nga të cilët 53 u arrestuan jashtë dhe brenda Italisë. Sipas autoriteteve italiane banda me degë ndërkombëtare bënte trafik midis Italisë veriore dhe Austrisë.
Discussion about this post