Oerd Bylykbashi ka deklaruar sot në një interviste televizive se Basha është shkarkuar me 11 dhjetor dhe ky fakt nuk ka kthim pas. Ai u shpreh ndër të tjera se, tashmë Bashës i kanë dalë kundër edhe deputetët e tjerë të cilët i kërkojnë dorëheqjen. Ndërsa shtoi se Gjykata po merr kohë për ligjshmërinë e statutit të PD për t’i dhënë më shumë kohë Bashës se kështu do Rama.
“Gjykata ka marrë kohë për t’i dhënë më shumë kohë Bashës se kështu do Rama. I duhet Ramës Lulzim Basha në atë karrige. Logoja dhe të tjera kanë ndryshuar, edhe statuti. Kuvendi nuk i ka dhënë kohë dhe as ultimatume Bashës, e ka shkarkuar. Anëtarësia nuk i ka dhënë kohë Bashës me referendum 44 mijë anëtarë dolën votuan, 43 mijë e shkarkuan”, tha Bylykbashi.
Kujtojmë se me 11 dhjetor 2021 u mblodh Kuvendi i thirrur nga Sali Berisha, ku përmes një referendumi ata kërkuan shkarkimin e Bashës, vendim të cilin e kanë dërguar në gjykatë, ku pritet të jepet përgjigja përfundimtare.
Discussion about this post