Ndonëse me komente në Facebook dhe në lidhje live është mjaft i gatshëm të përballet me komentuesit apo qytetarët, takimet përballë kryeministri Edi Rama i mendon dy herë. Së fundmi, Rama ka refuzuar të përballet me opozitën në Kuvend, ku është dashur “ndërhyrja” e kryeparlamentares Lindita Nikollës që ai të mos japë llogari për rritjen e çmimeve.
Kryetarja e Parlamentit nuk i ka pranuar kërkesat e opozitës për të futur me urgjencë kërkesën për interpelancë dhe mocionin për debat. Mocioni për debat u depozitua nga Grupi Demokrat, ndërsa interpelanca u kërkua nga disa deputetë demokratë, të cilët janë pjesë e Komisionit të Rithemelimit të PD-së.
Ndonëse ka prezantuar një paketë me 7 pika dhe ka ngritur një bord për Menaxhimin e Naftës, për opozitën masat e marra nuk janë të mjaftueshme për të përballuar situatën e vështirë në të cilën ndodhen mijëra familje në vend.
Në rendin e seancës ndërkohë janë parashikuar dy interpelanca: e deputetit socialist Erion Braçe me ministren e Bujqësisë, Frida Krifca, për tokat e Divjakës dhe projektet e mbështetura nga Fondi për Zhvillimin Rural.
Discussion about this post