Deputeti socialist Erion Braçe, ka kërkuar përgjigje nga ministria e Bujqësisë Frida Krifca në lidhje me problematikat me të cilat përballet sot bujqësia.
Deputeti socialist nuk kurseu kritikat se çmimet e rritura në bujqësi janë si pasojë e politikave të gabuara të qeverisë, ku vuri në dukje se sistemet e vaditjes nuk janë efikase në të gjitha zonat. Ai tha se në zonat që vaditja mungon, uji shpërndahet nëpërmjet pompave që ka një kosto të madhe sipas tij për fermerët.
Gjithashtu, akuzoi qeverinë se tregu është i kapur dhe se janë vetëm dy apo tre subjekte, që zotërojnë 95-98% të tregtisë së një produkti.
“Në këtë aspekt, qeveria është dorëzuar, ka ngritur duart lart dhe po përsërit vetveten, është tregu. Dy kompani, Agrohed dhe besniku zotërojnë 90% të tregut, janë dhe vendimet, ju thashë 5 javë më herët, gruri del me humbje, sera në dy sezone del me humbje, mishi më i liri ai i derrit del me fitim që nuk arrin as pagën minimale. Për fshatarin nuk ndodh asgjë, shkatërrohet prodhimi, kalben bimët, lumenjtë marrin para çdo gjë, domatet dështojnë të bëjnë fruta se me demek nuk mbillen. Është bërë punë e madhe në 8 vite, Lushnja dhe Divjaka kanë 8 degë vaditje, dy sekondarë të tjerë me gjatësi 780 metra nuk është veshur me beton, janë bërë punime dherash. Kostoja për vaditjen e misrit shkon në 10 mijë e shtatëqind lekë, kostot nuk përballohen dot tani, do të dëgjoja shumë tani në sallë atë që do të jetë nesër, beteja për ujin në bujqësi”, tha Braçe.
Discussion about this post