Noka: Eurodeputeti i kërkoi Berishës të bëjë Bashën kryetar të një Komisioni

Deputeti demokrat Flamur Noka ka deklaruar se eurodeputeti gjerman Elmar Brok i ka kërkuar ish-kryeministrit Sali Berisha që ta bëjë Luzlim Bashën kryetar të një komisioni. I ftuar në emisionin ‘Log’ në Abc News, Noka tha se Basha po përdor mikin e tij në mënyrë që të përfitojë kohë, ndërkohë që gazetari Lorenc Vangjeli tha se Basha do bëhet kryetar i Komisionit të Integrimit. “

Të jem i sinqertë e ka takuar për kortezi për shkak të njohje të vjetër. Dikur zoti Brok ka qenë mbështetës i PD në PE, ka kontribut në opozitën e parë të PD-së, për këtë gjë Berisha e ka takuar dhe pranoi ta takojë. Pse duhet të vijë një mik i zotit Basha të lobojë. Berisha njeh vetëm miq politikanë jo underground. Zotit Brok i ka kërkuar zotit Berisha që të jetë kryetar i një komisioni zoti Basha dhe të respektohet”, u shpreh Noka. Sakaq, ai tha më tutje se Basha po përdor miqtë e tij për të përfituar më shumë kohë që të mos japë dorëheqjen.