Kryeministri Edi Rama ka publikuar njoftimin e Agjencisë Ndërkombëtare të Energjisë e cila paralajmëron se bota mund të përballet me shock-un më të madh të mungesës së naftës prej dekadash, duke u munduar të justifikojë rritjen e paprecedentë të naftës para disa ditësh, ose po paralajmëron një kërcitje tjetër të saj.
Rama shkruan në Facebook se kur ai paralajmëroi për krizën energjetike askush nuk e besoi dhe të njëjtën gjë bënë dhe për naftën, ku sipas tij në vendin tonë nafta është me e lirë, ndonëse në realitet është ndryshe.
“Kur unë thashë para ca muajsh duhet vullnet i fortë dhe durim se ka nisur një krizë energjetike e paprecedentë, m’u hodhën në fyt sepse kriza nuk ekzistonte po jam unë që nuk di të qeveris pa kriza! Njëjtë kur thashë para ca ditësh që rritja e menjëhershme e çmimit i naftës është shenja e keqe e mundësisë që së shpejti mungesa e naftës të jetë problemi i madh, m’u hodhën në fyt sepse doja të trembja miletin se s’doja të hiqja taksat e naftës! Po tani që çmimet e naftës në Europë janë mbi tonat e që rritja e tyre krahasuar me këtu është goxha më e madhe me ku ishin çmimet, si shpjegohet? Ja si shpjegohet nga ky lajm i orës së fundit: Agjencia Ndërkombëtare e Energjisë lajmëron se bota mund të përballet me shock-un më të madh të mungesës së naftës prej dekadash dhe sapo ka shpalosur një plan të sajin me 10 pika për kursime”, shkruan Rama.
Discussion about this post