Pas akuzave të ambasadës ruse në Tiranë, ka reaguar ish-kryeministri, Sali Berisha ka reaguar, lidhur me deklaratat e një dite më parë se Gazprom i kishte bërë ofertë korruptive për të sabotuar ndërtimin e TAP. Berisha e ka quajtur provokativ të stilit sovjetik reagimin e Ambasadës ruse dhe se sqaron se Gazprom dhe qeveria ruse bënë çfarë kishin në dorë dhe përdorën të gjitha linjat korruptive të gazit të tyre për të bllokuar projektin e TAP.
“Lidhur me deklaratën time te djeshme për përpjekjet korruptive të Gaspromit pranë meje për të sabotuar TAP, ambasada ruse ne Tiranë ka reaguar sot duke pyetur: Sa lekë kërkoi zoti Berisha që Gazpromi nuk i mblodhi dot?
Lidhur me këtë reagim, tipik provokativ të stilit sovjetik të përfaqësuesve të diktatorit Putin, sqaroj publikun sa vijon!
1-Gazprom dhe qeveria ruse bënë çfarë kishin në dorë dhe përdorën të gjitha linjat korruptive të gazit të tyre për të bllokuar projektin e TAP” – shkruan Berisha.
Më tej, Berisha zbuloi edhe mesazhin e një biznesmeni të njohur turk ku i kërkonte të hiqte dorë nga projekti.
“2- Në javën e parë të gushtit të vitit 2011 një mik i imi biznesmen i njohur turk më solli nga presidenti i Gazprom mesazhin që vijon:
Në rast së unë do të hiqja dorë nga projekti i TAP-it dhe të mbështesja projektin ITGI, i cili anashkalonte Shqipërinë dhe kalonte në trajektoren Turqi- Greqi-Itali dhe që furnizohej kryesisht me gaz rus por dhe azer pala ruse ofronte:
-ndërtimin e një gazsjellësi Igumenicë-Vlorë me mundësi shtrirje edhe deri në Shkodër.
-Investimin prej 4.1 miliardë dollarë në termocentrale të mëdha gazi në Seman.
-Këto do vendoseshin në një takim që do zhvillohej midis meje dhe presidentit të Gaspromit.
Oferta u refuzua preraz për arsye politike nga ana ime. Nuk pranova investimet e Gasprom se besoja, dhe koha më dha të drejtë, se ato nuk ishin në interes të vendit tim.
Ju bëtë gjithçka që TAP të mos bëhej dhe dështuat!” – shkruan më tej Berisha.
Discussion about this post