Ambasada Amerikane në Shqipëri ka reaguar në lidhje me protestën që pritet të fillojë në orën 11:00. Përmes një njoftimi zyrtar ka paralajmëruar qytetarët e saj që të shmangin lëvizjet në Bulevardin Dëshmorët e Kombit dhe tubimet e dhunshme. Në njoftimin e ambasadës thuhet që qytetarët amerikan duhet të tregohen të kujdesshëm dhe të ndjekin mediat lokale, pasi tubimi mund të përshkallëzohet në mënyrë të shpejtë.
“Qytetarët amerikanë këshillohen të shmangin çdo tubim të madh në qytet. Ndërsa shumë ngjarje të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme dhe pjesëmarrësit mund të migrojnë në pjesë të tjera të qytetit.
Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit. Veprimet për të ndërmarrë: Shmangni tubimet e mëdha dhe çdo zonë ku demonstratat janë të pashmangshme ose në vazhdim. Jini të vetëdijshëm për rrethinën tuaj. Monitoroni mediat lokale për përditësime. Mbani një profil të ulët”, thuhet në njoftim. Në përfundim ambasada iu kërkon dhe qytetarët shqiptarë të shmangin dhunën dhe përplasjet.
Discussion about this post