Getinjo është treguar shumë i rezervuar sa i përket jetës së tij private, ndonëse herë pas herë në media dalin lajme për lidhje apo flirtime të tij me vajza të njohura ose jo. Së fundmi, reperi ka bërë disa postime në Instagram, që qartazi janë thumba për një vajzë.
Getinjo ka publikuar në Instagram disa foto të tij e përkrah tyre ka shkruar:
“Zemër mfal që si kom 60 vjet… Mfal edhe që se kom barkun e vjerrt… Edhe mfal që se kom babën milioner, se ta kisha pas ishe dal me bab tem”, shkruan Getinjo në postime.
Nuk e dimë se kujt ja dedikon reperi këto fjalë, por mesa duket dikush ja ka thyer zemrën.
Kujtojmë se para disa ditësh, Getinjo rrëfeu një histori shumë prekëse nga adoleshenca e tij. reperi rrëfeu për “Prive” se para disa vitesh kishte dashuruar një vajzë, të cilën e kishte lënë shtatzënë dhe ajo vendosi të largohej nga reperi e ta abortonte fëmijën. Ai tregoi se pikërisht në këtë histori është bazuar për këngën e tij “Ajo”.
“Është e bazuar në histori të vërtetë. Vetëm shokët e mi të ngushtë e dinë dhe bëjnë shaka shpesh me mua dhe më thonë imagjino të vijë një fëmijë të thotë ti je babai im. Atë vajzën nuk e kam parë më kurrë, ka ikur jashtë vendit me gjithë familjen. Ajo e ka abortuar fëmijën nga informacionet që kam. Këtë këngë e kam bërë vetëm për t’ia çuar asaj jo për ta publikuar. Kënga doli pa pëlqimin tim nga studio ku e kisha regjistruar”, rrëfeu Getinjo.
