Kledi Hysa ka dhënë së fundmi një intervistë, ku ka zbuluar detaje dhe për lidhjen e kushëririt të tij, Adis Patushi me Fifin. Këngëtarja dhe Adisi janë njohur menjëherë pas daljes nga shtëpia e “Big Brother VIP” dhe nisën shumë shpejt një lidhje dashurie.
“Është diçka shumë e bukur kur bën shkuesi në një lidhje të atillë ku të gjithë flasin për Adisin dhe Fifin. Unë ata thjesht i kam prezantuar me njëri-tjetrin, pastaj çdo gjë tjetër ndodhi vetë, nuk kam pasur unë ndikim tek marrëdhënia e tyre.”
Nga ana tjetër, Kledi u shpreh se janë një çift që shkojnë shumë me njëri- tjetrin dhe se ajo që tregohet nëpër rrjete sociale për ta nuk është fake.
Ato ndihem shumë mirë, ata shkojnë shumë mirë. E shikoj që Adisi është shumë i lumtur dhe kur ai ndihet mirë unë e shikoj që me të vërtetë që është diçka e bukur. Nuk është “fake” ajo që tregohet nëpër rrjete sociale.”
Ndërkohë, ai u pyet dhe për aludimet që qarkullojnë në rrjet për një shtatzëni të mundshme të Fifit.
“Atë nuk e di, seriozisht. Unë dhe lidhjen e tyre e kam parë nëpër portale, nuk e dija. Ma kishin mbajtur sekret ata të dy. Kur u përqafuan e vura re që ishte përqafim pak interesant.”
Discussion about this post