Një dyqan në zonën e Vasil Shantos në Tiranë është shkrumbuar nga flakët gjatë natës, ndërsa dyshohet se zjarri është shkaktuar qëllimisht nga persona ende të paidentifikuar.
Sipas informacioneve paraprake, në ambientet e biznesit dyshohet se është hedhur lëndë djegëse, duke shkaktuar një zjarr që ka përfshirë të gjithë dyqanin, në pronësi të dy vajzave.
Flakët kanë shkaktuar dëme të konsiderueshme materiale, duke shkatërruar plotësisht ambientet e biznesit, si dhe dy automjete që ndodheshin të parkuara pranë tij.
Ende nuk dihen motivet e ngjarjes dhe nëse zjarrvënia e dyshuar lidhet me ndonjë konflikt të mundshëm të pronareve apo me rrethana të tjera.
Policia ka nisur hetimet për zbardhjen e ngjarjes, ndërsa po punohet për identifikimin dhe kapjen e personave që mund të jenë përfshirë në këtë akt.
Discussion about this post