Pas ngordhjeve të pulave në Durrës, përhapja e gripit të shpendëve ka alarmuar qytetarët në ditët e fundit. Ndërkohë edhe vetë institucionet përgjegjëse kanë deklaruar se rreziku është prezent dhe sa po vjen e rritet. Ndërkohë, lidhur me këtë çështje ka folur sot eksperti i ushqimit, Abdyl Sinani, i cili i ka kërkuar qytetarëve që të mos konsumojnë më as vezë dhe as mishin e pulës. Sipas tij, në ditët para se të zbulohej se gripi i shpendëve ka mbërritur në Shqipëri, shumë pula janë therur dhe mishi i tyre është shpërndarë, çka do të thotë se mish i infektuar mund të gjendet tashmë në markete.
“Virusi nuk përhapet vetëm nga pularitë, por nga shpendët që janë në ajër, ata e përhapin me shpejtësi të madhe. E kanë përhapur përmes ajrit, feçeve të tyre, dhe prandaj po infektohet i gjithë vendi. Të gjithë pularitë që kanë një pjesë pulash që kanë ngordhur ku dhe një pjesë pulash janë therur dhe kanë kaluar në frigorifer. Duhet detyrimisht të futen në 4 gradë, se përndryshe nuk duhet të lejohen.
Vezët janë prodhuar, secili nga ju të çajë një vezë, dhe nëse lëngu i vezës është i ngjitur me të verdhën, pra nuk është i lëngshëm, atëherë kjo është në rregull kjo vezë, por në këtë situatë që jemi, me këtë sëmundje që është tani, asnjë vesh nuk do konsumohet. Në këtë rast duhet t’i lëmë vezët fare,” tha ai.
Sakaq ai tregon se si mund të dallojmë nëse mishi apo veza janë të infektuar. Sinani tha se çdo njeri duhet të marrë vezën dhe e çan, nëse shikon që ajo rrjedh menjëherë, pra nuk është e ngjitur me të verdhën, ai menjëherë duhet ta ndalojë konsumin e kësaj veze. Nëse shikon pulën që është e zbutur, ka marrë ngjyrën e hirtë, prapë nuk duhet ta konsumojë.
Discussion about this post