Kryetari i komanduar i Partisë Demokratike, Enkelejd Alibeaj ka mbledhur sot kryesinë e PD-së për të diskutuar për situatën e brendshme në parti pas dorëheqjes së Lulzim Bashës.
Deputeti Xhelal Mziu sugjeroi që të kenë një komision të përbashkët dhe të mos i bëjnë karshillëk njëri-tjetrit.
“Jemi në një situatë jo të mirë, por në kohë të volitshme për t’i paraprirë zgjedhjeve të 2023. Rezultati i 6 marsit foli për shumicë në anën tjetër. As ne, as ata nuk bëjmë dot pa njëri-tjetrin. Nëse kthehen zgjedhjet 2023,do ishte vrastare për PD. Duhet të gjejmë mënyrë për tu bashkuar. Nuk e gjykoj që data 30 prill është zgjidhje. Nuk është normale që t’i bëjmë karshillëk njëri-tjetrit”, shprehet Mziu.
Ai përmendi po ashtu që foltorja e Sali Berishës ka nisur organizim në të gjitha degët.
“Ne kemi potencialin e nevojshëm për të gjetur një zgjidhje. Zgjidhja gjendet duke patur një komision të përbashkët. Foltorja ka nisur organizimin në të gjitha degët. Nëse vazhdojmë kështu do të vazhdojmë të mbetemi të papërfaqësuar dhe pastaj na rroftë sigla e PD”, thotë ndër të tjerash deputeti.
Sakaq vlen të përmendet që ky takim ka qenë i tensionuar dhe ka pasur dhe debate mes deputetëve.
Discussion about this post