Një debat i ashpër ndodhi në seancën e sotme parlamentare mes zv.kryeparlamentares Ermonela Felaj dhe deputetit të Partisë Demokratike, Flamur Noka. Ky i fundit ka kërkuar më shumë kohë dhe nuk e ka liruar Foltoren edhe pse Felaj ka dhënë pushim.
“E pate kohën në dispozicion e shpjegove. Juve Vokshi jua dhashë kohën, dhe kohën shtesë. Nuk ndërhyva enkas dhe iu lashë të mbaroni. Por ju nuk e dërguat deri në fund. Ju aq e gjykuat të nevojshme kështu që kohën tuaj të foljes e keni përfunduar.”
Gjithashtu, pa mikrofon ai ka replikuar me të për më shumë kohë, por socialistja i ka shpjeguar se kishte marrë gjithë kohën që i lejonte procedura dhe se nuk mundte që t’i jepte më shumë që Noka të vazhdonte fjalën e tij.
“Kohë tjetër nuk ka se ku të dalë. Shqip po jua them. Zoti Noka ka mbaruar koha e kërcënimeve në Kuvend. Shfrytëzuat 7 minuta për të folur, 3 minuta ju dhe 16 minuta kolegia juaj. Nuk ke asnjë të drejtë të bësh një kërkesë të tillë. Kjo pikë e rendit të ditës mbyllet këtu, 3 minuta pushim,”.
Discussion about this post