Orgito Hoxha dhe Ardi Marku janë arrestuar sot nga policia në Lezhë, pasi janë kapur me municione luftarake dhe armë zjarri me vete.
Dy të rinjtë u kapën në një lokal në Shënkollë, ku ushtrohej veprimtaria e lojërave të fatit.
Po ashtu është vënë në hetim pronari i lokalit i identifikuar me iniciale N. B.
Në cilësinë e provës materiale u sekuestruan celularët e tyre, një përforcues grushti që plotëson kushtet e armës së ftohtë, një armë zjarri kallashnikov dhe një sasi municioni luftarak.
Të arrestuarit do të përballen me akuzën për veprat penale “Armëmbajtja pa leje”, “Prodhimi, mbajtja dhe shitja pa leje e armëve të ftohta” dhe “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Discussion about this post