Gjykata e Tiranës ka miratuar sot statutin e Berishës të dalë nga kuvendi I 11 Dhjetorit. Përfaqësuesi ligjor i Komisionit të Rithemelimit, Ivi Kaso ka folur pas deklarate të bëra nga Alibeaj, i cili është shprehur se vendimi i Gjykatës së Tiranës për njohjen e Kuvendit të 11 Dhjetorit do të apelohet.
Kaso tha se tashmë nuk ka më kryetar të komanduar të PD-së, dhe as sekretariat, dhe se i vetmi organ drejtues i ligjshëm i PDsë është Komisioni i Rithemelimit.
Ai la të hapur mundësinë që në mbledhjen që sapo ka nisur të Komisionit të Rithemelimit, të vendoset për të shkuar në selinë e PD-së.
“Ju falenderoj për punën që keni bërë sot, ka një PD zyrtare që është njohur dhe nga Gjykata, Komisioni i Rithemelimit kryen funksionin e kryetarit. Nuk ka një kryetar të komanduar, nuk ka sekretariat, pasi të gjitha këto janë vendimmarrje të datës 18 Dhjetor.
Nga fillimi i javës, do të mund që të shihni që organi i vetëm që mandatohet për të drejtuar PD-në është Komisioni i Rithemelimit, premtime që bëjnë palë të tjera, bëhen për të zvarritur kohë, dhe për të ngatërruar publikun” tha Kaso.
Ai po ashtu ka thënë së vendimi i sotëm është zgjedhur në mënyrë të plotë çështjen juridike dhe se komisioni do të marrë vendimet përkatëse, të cilat do të merren vendime të rëndësishme në të mirë të të gjithë demokratëve.
Discussion about this post