Që pas daljes nga shtëpia e “Big Brother VIP” Filloreta Raçi, e njohur me emrin artistik Fifi, ka qenë kryefjalë e mediave për shkak të lidhjes së saj me Adis Patushin.
Ata konfirmuan romancën e tyre duke u puthur para shumë të pranishmëve në një mbrëmje ku Fifi po performonte. Që pas këtij momenti shumë romantik të dy janë shfaqur kudo bashkë dhe nuk i kanë kursyer foto e videot me njëri-tjetrin.
Pak ditë më parë, çifti ka qenë në një eveniment në Tiranë. Edhe këtë herë ata kanë qenë të pandarë e nuk i kanë kursyer momentet romantike. Në fotot e siguruara nga burime çifti shihet duke u puthur e më të lumtur se kurrë.
Prej gati 2 muajsh lidhja e Fifit dhe e Adisit po jetohet në sytë e publikut. Çifti i formuar pak kohë më parë, nuk e kanë pasur aspak problem që ta publikojnë historinë e tyre, duke mos i kursyer puthjet, përqafimet dhe dedikimet plot dashuri për njëri-tjetrin në rrjetet e tyre sociale.
Ata u njohën nëpërmjet Kledit, ish-banori i “Big Brother VIP” i cili është kushëriri i Adisit dhe mik i Fifit. Emri i Adisit nuk është i panjohur për mediat shqiptare pasi vite më parë, ai u shfaq në krah të Adrola Dushit me të cilin ka edhe një djalë, Troin. Shpejt martesa e tyre mbaroi, kur modelja vendosi të largohej për në SHBA bashkë me të birin.
Bëhet me dije se tashmë Adisi është angazhuar si menaxheri i partneres së tij. Është pikërisht ai që i sistemon koncertet, madje edhe e shoqëron atë në çdo dalje të sajën.
Kujtojmë se, javë më parë ata ngritën dyshime se mund të jenë në pritje të një fëmije. “Babi”, shkroi Fifi në një postim duke e shoqëruar me një emoji zemër. Nga ana tjetër, Patushi e ripostoi foton duke e shoqëruar me të njëjtën emoji si Fifi dhe mbishkrimin “Mami”. Këto epitete që dyshja i kanë vënë njëri-tjetrit kanë ndezur dyshimet se çifi mund të jenë në pritje të një fëmije, megjithëse kanë pothuajse vetëm 3 muaj me njëri-tjetrin.
Discussion about this post