Detaje të reja janë zbuluar nga ngjarja e rëndë që tronditi Greqinë, ku një 37-vjeçare shqiptare ka hedhur nga ballkoni dy nipërit e saj 3 dhe 5 vjeç dhe më pas është vetëhedhur.
Sipas mediave të huaja, shkak i ngjarjes së rëndë mund të ketë qenë fakti që shqiptarja është konfliktuar fillimisht me të motrën, ndërsa kujtojmë se 37-vjeçarja vuante nga probleme të shëndetit mendor.
Pas zënkës familjare, shqiptarja ka nxjerrë në ballkon dy të miturit, djalin 5 vjeç dhe vajzën 3 vjeç ku pasi i ka hedhur nga kati i dytë i ka goditur edhe me vazo lulesh. Më pas ajo është vetëhedhur nga ballkoni dhe ka përfunduar në një hapësirë boshe.
Kanë qenë fqinjët të cilët kanë dëgjuar të bërtiturat dhe të qarat e fëmijëve që i kanë dhënë ndihmën e parë dhe kanë lajmëruar nënën e tyre e cila në momentin e ngjarjes ka qenë duke gatuar në kuzhinë.
Dy të miturit dhe tezja janë dërguar në spital dhe ndodhen jashtë rrezikut për jetën ndërkohë që policia është duke hetuar rrethanat e ngjarjes.
Discussion about this post