Deputeti demokrat, Edi Paloka ka reaguar në lidhje me protestat që janë organizuar kundër rritjes së çmimeve në vend, ku më e fundit është ajo e së mërkurës në orën 17:00.
Përmes një mesazhi në Facebook, Paloka paralajmëron disa nga organizatorët e protestës që sipas tij marrin urdhra nga Rama dhe që janë futur qëllimisht nga kryeministri për të shuar protestat.
“Kur filluan protestat për rritjen spekulative të çmimeve, bëra një paralajmërim në fb për “fiksit” e protestave. Ata që Rama i ka si grup të gatshëm, gjoja “shoqëri civile”, e që i fut qëllimisht në çdo protestë qytetarë vetëm me një qëllim; të shuajnë protestën. Metoda është vetëm një dhe shprehet me klithmat e zë hollëve të “shoqërisë civile”: “Larg politika nga protestat !” Rezultati dihet! Ramës i ka rezultuar taktikë e suksesshme jo në një po në disa raste. Kështu që në protestat e tjera, nëse guxojnë të hyjnë e tentojnë dhe te marrin drejtimin ata zë hollët e paguar nga Rama, duhen kapur të parët e nxjerrë për by..he jashtë protestës”, shkruan Paloka.
Kujtojmë se të mërkurën është thirrur një tjetër protestë në rrjetet sociale kundër rritjes së çmimeve ku vetëm sot çmimi i gazit arriti shifra rekord në 110 lekë për litër.
Discussion about this post