Në një intervistë për mediat, kryetarja e LSI-së, Monika Kryemadhi, ka komentuar zhvillimet e fundit në Partinë Demokratike. Kryemadhi foli për dorëheqjen e Bashës nga drejtimi i PD-së, ndërsa e cilësoi atë një veprim të vonuar. Ajo foli për tradhti nga ana e Bashës, faturë që sipas saj po e paguan ajo me karrierën politike. Mes të tjerash Kryemadhi tha se duhet lidership i ri politik në frontin opozitar.
“Me shpalljen e zotit Berisha non-grata, i cili mendoi ta mbante larg PD këtë kauzë morale, indiferenca ose mungesa e Bashës dhe e suportuesve të tij mediatikisht më pas thashethemnatë ku thuhej se shkaktarë të humbjes së PD ishte LSI apo Berisha. Ndaj menduam se ishte e vlefshme skema Basha Rama. Dhe vendimi i Bashës për përjashtimin e Berishës tregoi se ai kishte marrëveshje me Ramën. Koha është dhe një nga elementet kryesore që do të zbardhë skemën e 25 prillit. Për hir të së vërtetës, të gjithë liderët e frontit opozitar duhet të largoheshin dhe duhet të largohen për të krijuar një frymë të re, një strategji të re. Strategjia, duam apo s’duam ne, e konsumimit të opozitarizimit, përballë një strukture mjaft kriminale dhe të korruptuar, kërkon lidershim të fortë. Që ndërton një strategji të bazuar në veprimin opozitar dhe një agjendë të qartë. S’jam askushi që të komentoj se çka ndodh me PD. Jam dikushi që mund të them se tradhtia e zotit Basha dëmtoi LSI në maksimum, që sot ka 4 mandate. kjo është një nga faturat që do ta paguaj Monika kryemadhi me karrierën e saj politike që i besoi atë arsenal të rinj një dordoleci politik që ishte peng i interesave financiare të familjes së tij por dhe të veprimeve të tij politike në të kaluarën. Dorëheqja e tij kishte më shumë hall se si do të dilte imazhi i tij mediatik se sa ajo çka thoshte. Është një perceptim që ai ka qenë sipërfaqësor sa i përket thelbit të gjerave. Por jo sipërfaqësor në lidhje me interesat e tij.” – u shpreh Kryemadhi.
Discussion about this post