Me armën në makinë, arrestohet në flagrancë 21-vjeçari në Shijak

në Aktualitet

Kohë leximi: 1 min

Një 21-vjeçar është arrestuar në flagrancë nga policia e Shijakut pasi gjatë një kontrolli në mjetin e tij ju gjendën një pistoletë dhe disa fishekë.

Sipas njoftimit të policisë, 21-vjeçari i identifikuar si S.B posedonte një armë pa leje, e cila u sekuestrua në cilësinë e provës materiale.

I riu pritet të përballet me akuzën për veprën penale “Prodhimi dhe mbajtja pa leje e armëve luftarake dhe e municionit”

“Shërbimet e Policisë, gjatë kontrollit të ushtruar në automjetin që drejtohej nga shtetasi S. B., gjetën dhe sekuestruan në cilësinë e provës materiale një pistoletë stilolaps dhe disa fishekë që përdoren për këtë lloj arme. Në përfundim të veprimeve është arrestuar në flagrancë për veprën penale “Prodhimi dhe mbajtja pa leje e armëve luftarake dhe e municionit”, shtetasi S. B., 21 vjeç, banues në Shijak”, thuhet në njoftimin për shtyp.

Materialet i hetimore i kaluan Prokurorisë së Rrethit Gjyqësor Durrës, për veprime të mëtejshme.