Komisioni i Prokurimeve Publike ka anuluar tenderin “Albcontrol”, i cili u denoncua nga Gijotina.com para 3 muajsh. Bëhet fjalë për një tender marramendës i cili kapte shifrën e 850 milionë lekëve të reja, për pastrimin e zyrave të shoqërisë që menaxhon dhe kontrollon hapësirën ajrore Shqiptare. Në datën 9 dhjetor, “Albcontrol” ka njoftuar Agjencinë e Prokurimit Publik për bërjen e një tenderi të ri. Ky tender mban numrin e REF-14628-12-09-2021, me objekt pastrimin e ambienteve të “Albcontrol”, me afat 36 muaj, pra për 3 vite. Ky tender, siç e thamë më sipër, ka fondin limit prej 84,175,068 lekë të reja, ose rreth 850 milionë lekë të vjetra.
Por përpos shumës që është vënë, e cila është e ekzagjeruar në proporcion me punën që kërkohet të bëhet, procedura e prokurimit nuk është bërë në mënyrë të drejtë. Këtë e vërtetoi edhe ankesa në KPP e dy kompanive të interesuara për këtë tender, të cilat janë skualifikuar në mënyrë të padrejtë nga gara. Në shqyrtimin që i ka bërë ankesës, Komisioni i Prokurimeve Publike u ka dhënë të drejtë dy kompanive, duke rrëzuar pretendimet e “Albcontrol”, i cili i kishte skualifikuar për mungesë licencash.
Metoda e skualifikimit të kompanive në shkelje të ligjit në procedura që kanë shumë të ekzagjeruara për punë që mund të bëhen me më pak lekë, është e njohur në prokurimet e institucioneve publike shqiptare. Kjo pasi fituesi mund të jetë paracaktuar dhe për ta nxjerrë fituese kompaninë e mikut, zbatohet metoda e përjashtimit në mënyrë të padrejt nga gara së operatorëve ekonomik.
Siç e thamë dhe më sipër, vlera e këtij tenderi është e ekzagjeruar, pas me një llogari të thjesht, për 1 vit i bie rreth 280 milionë lekë të vjetra, që drejtuesi Maksim Et’hemaj do t’i marrë nga taksat e shqiptarëve, vetëm për të pastruar godinën ku punon. Në fakt, kaq shpenzojnë qytete si Berati, Lushnja apo Peshkopia për pastrimin e qytetit. Pra, “Albcontrol” i duhen lekë sa për një qytet, me qëllim që punonjësit e saj që marrin një rrogë mesatare 3 mijë euro në muaj të qëndrojnë në ambiente të pastra.
Maksim Et’hemaj, i cili do të ndjek të njëjtën mënyrë si paraardhësja e tij Edlira Kraja, kur në nëntor 2021, hapi tender për pastrimin e zyrave me vlerë rreth 1.3 miliardë të vjetra. Me këto shifra, kompania në varësi të Ministrisë së Financave dhe Ekonomisë, me gojën plotë mund të quhet një lavatriçe parash.
Gijotina.com
Discussion about this post