Ndeshja e zhvilluar në gjysmëfinalen e parë mes Partizanit dhe Vllaznisë ka përfunduar me rezultatin 0-0. Ndërkaq skuadra finaliste do të përcaktohet pas dy javësh në duelin e kthimit në “Loro Boriçi”.
“Demat” ishin më kërkues në fillim të lojës dhe Skuka u shfaq në dy raste i rrezikshëm, por u ndal nga portieri Zogovic. Nga ana tjetër shkodranët u kundërpërgjigjen me brazilianin Da Silva.
Mirëpo afër fundit të pjesës së parë Vllaznia pretendoi për një penallti, për prekje të topit me dorë nga Hadroj, gjë që arbitri nuk e mendoi të arsyeshme.
Pjesa e parë nuk prodhoi gola, ndërsa në të dytën Vllaznia rrezikoi në dy momente me Latifin e Krymin, ndërsa Partizani me Skukën që e devijoi lehtë topin që u prit nga portieri malazez i shkodranëve. Sulmuesi i marrë nga Dinamo kishte një mundësi të mirë për të kaluar “Demat” në epërsi, por goditja me kokë në minutën e 84-t u ndal në shtyllën pingule.
Gjithsesi ky duel u mbyll me polemika të mëdha, për shkak të një goli të Aralica që u anulua me VAR, duke e lënë ndeshjen e hapur për sfidën e kthimit.
Discussion about this post