Deputeti demokrat Luçiano Boçi ka zbuluar në “se çfarë ndodhi p në mbledhjen e grupit parlamentar të PD, ku i pranishëm ishte dhe ish-kryeministri Sali Berisha, edhe pse i paftuar. Boçi tha se brenda grupit pati diskutime në formë debati, por çdo gjë ishte brenda kornizës dhe asgjë e ekzagjeruar. Ai tha se çdo pjesëmarrës dha argumentet e veta për çdo ngjarje të ndodhur në PD. “Biseda në formë debati ishte brenda kornizës politike dhe korrektesës së retorikës së përdorur. Themi që u krye një ritual i domosdoshëm i përcaktimit të pozicionimeve dhe të një opinioni që ekziston”, u shpreh ai.
Ndërkohë i pyetur më tutje nëse Sali Berisha bëri gabim që mori pjesë në mbledhje kur nuk ishte i ftuar, Boçi tha se ish-kryeministri e kishte paralajmëruar këtë hap dhe çdo gjë ishte brenda rregullave ligjore dhe morale. “Prania e zotit Berisha ishte paralajmëruar nga dy elementë një elementi ligjor dhe i dyti paralajmërimi moral i vetë zotit Berisha i cili pati deklaruar se do të ishte pjesë e mbledhjes. Në këtë rast ishte një ardhje ligjore dhe morale”, u shpreh ai. Ndërsa shtoi se përveç Alibeajt askush tjetër nuk e kundërshtoi praninë e Berishës.
Discussion about this post