Komiteti Teknik i Ekspertëve është mbledhur ditën e sotme ku ka prezantuar masat e reja për përballimin e pandemisë së Covid-19. Zv. ministrja e Shëndetësisë Mira Rakacolli bëri me dije se do të hiqet kufizimi për grumbullimet deri në 50 persona, ndërsa mbetet në fuqi maska në ambientet e mbyllura.
“Duke u bazuar në analizën e situata, Komiteti i Ekspertëve ka vendosur heqjen e numrit të kufizimeve deri në 50 persona, mbetet në fuqi masa që të gjithë shqiptarët që futen në vend duhet që të dorëzojnë pasaportë vaksinimi, test brenda 72 orësh dhe provë të kalimit të Covid deri në 6 muaj. Ndërsa të gjithë shqiptarët rezident duhet që të izolohen në rast të prekjes nga Covid deri në 5 ditë. Vijon të mbetet në fuqi që në të gjithë institucionet shëndetësore të mos futen familjarët e pacientëve, punonjësit e administratës e kanë të detyrueshme dokumentin e kalimit të Covid dhe certifikatën e vaksinimit”, ka thënë Rakacolli.
Ndër të tjera, zëvendësministrja e Shëndetësisë Eugena Tomini bëri thirrje për rritjen e shifrave të vaksinimit në vendin tonë, që me të dy dozat, nuk e kalojnë as shifrën e 50%. Sa i takon rasteve ditore ato mbeten të ulëta, fakt ky që konfirmohet dhe numri i pakët i shtrimeve spitalore.
Discussion about this post