Alqi Bllako ka trazuar ditët e fundit një Shqipëri të tërë. U arratis apo jo? Kjo ishte çështja! Ndërkohë as vetë autoritetet nuk dhanë një përgjigje të saktë, ku qarkulluan shumë lajme të ndryshme që binin ndesh me njëra-tjetrën. Në fillim u tha se ai ishte nisur për t’u dorëzuar që në orët e drekës teksa më vonë u mësua se kjo nuk ishte e vërtetë.
Rreth orës 22:00 u raportua nga të gjitha mediat se ai nuk ishte në pranga dhe se kishte dyshime që mund të ishte arratisur. Policia nuk kishte dijeni për të, familjarët shpreheshin se nuk e dini se ku ndodhej si dhe avokati i tij Sokol Harizaj shprehej se nuk e dinte vendndodhjen e klientit të tij.
Teksa si për të trazuar ujerat, njësoj siç kishte bërë në rastin e Adriatik Llallës, avokati i tij Sokol Hazizaj publikoi një foto ku dukej nga avioni dhe që shkruante ‘Mirupafshim’. Të gjitha këto detaje tregonin se Alqi Bllako po i fshihej policisë, madje po bënte lëvizje për t’u arratisur jashtë shtetit.
Të parat që zbuluan këto detaje ishin mediat në vend, ndërsa policia rrinte në heshtje. Por, ditën e sotme, pasi më në fund Bllako u vetëdorëzua policia për të fshehur paaftësinë e saj sulmoi mediat duke dalë në një deklaratë për kur tha se portalet gënjyen dhe se arratisja e Bllakos ishte një lajm i rremë, pasi ai u dorëzua në polici të enjten mbrëma.
Por SPAK nga ana tjetër me dokumentin e publikuar tregon se vetëdorëzimi është regjistruar në orën 03:30 pas mesnate, duke nxjerrë blof policinë, me në krye Gledis Nanon.
Konkretisht, SPAK sqaron se vendimi nga GJKKO për masën e sigurisë “Arrest me burg” është dhënë rreth orës 15:30, të datës 31.03.2022. Ndërkohë vendimi i gjykatës për caktimin e masës së sigurimit ndaj shtetasit Alqi Bllako i është dhënë për ekzekutim strukturave të Policisë së Shtetit menjëherë pas vendimit konkretisht në orën 15:45. Megjithatë SPAK sqaron se Bllakos i janë vënë prangat nga Policia e Shtetit fiks në orën 03.30 të datës 01.04.2022.
Discussion about this post